रथ हाकूनिया पांडवांचा......

रथ हाकूनिया पांडवांचा, पळविशी कौरवा.........

     हि त्या श्रीकृष्णांची ओळख आणि श्रीकृष्ण कोण? तर साक्षात ॐकारांचेच अवतारकार्य. 

     हिंदू धर्मातील कालगणनेनुसार काळ (वेळ, समय) हा चार भागांत अथवा युगांत विभागलेला आहे. त्यातील तिसरा भाग म्हणजे द्वापार युग आणि या द्वापार युगाची देवता, म्हणजे श्रीकृष्ण. 

     कौरव-पांडवांच्या घमासान झालेल्या युध्दात श्रीकृष्णांनी सताची बाजू घेत, अर्जूनाचे सारथ्य पत्करले व शेवट असताचा नाश केला. इतरही युगात व अवतार कार्यात अघोरांचा नाश व सत् शुध्द भक्तांचे अघोरांपासून संरक्षणच करण्याचे महान असे कार्य वेगवेगळ्या रूपात, वेगवेगळ्या नामाभिधानाने पार पाडले.

     परंतु ह्या कलियुगात हेच म्हणजे अघोरांचे पारिपत्य करण्याचे कार्य, सव्विसावे अवतारकार्य नटवून पार पाडण्यात आले, तेच मुळी *भगवान* या नावाने. या अवतार कार्याचे वैशिष्ठ्य होते, स्थुल सोडून इतर सर्व देहांवर कार्य करणे. अर्थात ह्या अगोदरच्या अवतारात स्थुलावर प्रत्यक्षपणे कार्य करता येत होते. त्यामुळे अघोरांची स्थुले त्या त्या वेळेस पडली, परंतु भगवंताकडूनच हे कार्य झाल्याने, त्या अघोरांची सुक्ष्मे इतर देहांमध्ये बलवत्तर झालीत.

     त्यामुळे आतापर्य॔तच्या अवतारकार्यातील अघोर सुक्ष्म, कारण, महाकारण, अणू, रेणू, परमाणूंमध्ये त्यांच्या पाय-यांनुसार बलवत्तर होत गेली व सताला जुमानत नाहिशी झालीत.

     हे कार्य सताशिवाय दुसरे कोणीही करू शकत नसल्याने, या शेवटच्या कलियुगांत सताचे सव्विसावे अवतारकार्य अवधीतच संपन्न होऊन, स्थुल सोडून सर्वस्व अधिकार असल्याने, या सगळ्यांचा नाश करून संपन्न करण्यात आले.

     आता येणारा काळ अघोरांचा निःपात आणि सताचा जयजयकार होऊनच संपन्न होणार आहे.

     आता हा रथ स्वतः श्री भगवान हाकीत असून, कौरव रूपी अघोरांना हटविण्याचे हे कार्य अद्यापिही अव्याहतपणे चालू आहे.

     तरी सताच्या सांगण्याप्रमाणे आपण समस्त भक्तगणांनी या सर्वस्वावर जालिम उपाय म्हणून सतत नामस्मरणांत राहावयाचे आहे व सताला व सताचे चरणकमल डोळे भरून पाहावयाचे आहेत.

*श्री गुरुपादुका स्तुति* - श्री गुरुदेव पितामहांचे अमृतबोल

अनगडाची ही दुनिया सारी.....

*_खरोखरच आपण आणि आपली पिढी ही खूप खूप भाग्यवान आहे, कारण आपणांस आपले सद्गुरू लाभले._*

*_इतकेच नव्हे तर आपल्या श्री सद्गुरू माऊलीने ह्याच वेळेस आणि काळात आपले सव्विसावे अवतारकार्य संपन्न करून आणि आपणा समस्त बंधु-भगिनींस आपल्या जवळ घेऊन, आपले नाम देऊन त्यांच्या प्रत जाण्याचा मार्ग प्रवचन रुपाने समजावून सांगून उपकृत केले._*

_खरोखरच आपण भाग्यवान नाही कां?_ 

*_उजळले भाग्य अमुचे,_*

*_उजळल्या अमुच्या ज्योती_*

*_चरणी घेता सामाऊनी_*

*_मनी गवसले मोती_*

*_मोतीयांचा हार करुनी_*

*_घातला तो गळा_*

*_सद्गुरु प्रसन्न होता_*

*_लाविला नामाचा हो टिळा_*

*_टिळा लाविता नामाचा_*

*_प्रकाश पसरे सारा_*

*_प्रकाशाच्या कल्लोळात_*

*_नजारा दिसे तो न्यारा_*

*_हरवूनी जातो मीपणा त्यात_*

*_उरतो फक्त ओंकार_*

*_ओंकार ध्वनी आळविता_*

*_एकलय होतो अपार_*

*_अनगडाची ही दुनिया सारी_*

*_ज्यास कुणा ती सापडे_*

*_कधीच मागे फिरून न पाही_*

*_लागे मनापासोनी ती आवडे_*